يا بنت يا ام المريلة كحلي
يا شمس هالا و طالا من الكولة
لو قلت عنك فى الغزل قولة
ممنوع علية والا مسموحلي
انا احب اقول الشعر فى الحلوين
و الحلو اقوله يا حلو فى عيونة
و لو ابتديت بشفايفك النونو
ما يكفنيش فيهم سبع دواوين
يا ملاك يا جنية يا ست الحسن
يعجبنى توهانك فى أحلامك
يعجبنى شد الخصر بحزامك
يعجبنى اخدك للكتب بالحضن
راحوا الصبايا والصبايا جم
أجمل ما فيهم مين غير بنتي
و اجمل ما فيك يا بنتي ان انتى
فى عينيك الننى حنان الأم
يا بنت يا ام المريلة كحلي
يا شمس هالا و طالا من الكولة
لو قلت عنك فى الغزل قولة
ممنوع علية والا مسموحلي
ليست هناك تعليقات:
إرسال تعليق