من العتاب الجارح
يا قلبى ارحمه
ما دام نقدر نسامح
ادينا نعلمه
بُعدك دا والغياب
لا سؤال ولا جواب
هو أكبر عتاب
لقلب تقدمه
مش خوف عليه يا قلبى
أبداً من الألم
ولا أمل فى قلبه
يعيش لحظة ندم
لكن كلى أمانى
ينسى يكون أنانى
لو صادف قلب تانى
وفكَّر يظلمه
وبعدك دا والغياب
لا سؤال ولا جواب
هو اكبر عتاب
لقلب تقدمه
يفيد بإيه عتاب
ولا يفيد ندم
لقلب زيك انتا
يا قلبى اتظلم
ياما يا قلبى الهروب
كان للأحزان غروب
وكتير ريَّح قلوب
من هم بتحمله
يبقى ليه العتاب
يا قلبى والعذاب
مادام ناوى الغياب
ومنك تحرمه
دا بُعدك دا والغياب
لا سؤال ولا جواب
هو أكبر عتاب
لقلب تقدمه
ليست هناك تعليقات:
إرسال تعليق