واحنا فايتين علي الحدود
مستمرين فى الصعود
اختفى النيل الجميل من تحتنا
اختفى النيل الجميل من تحتنا
والمدن
والريف
وأول عمرنا
وابتدى شئ ينجرح جوه الوجود
وابتدى شئ ينجرح جوه الوجود
وابتدينا أسئلة مالهاش ردود
ميلنا ع الشباك نخبى دمعة فرت مننا
منى..
بصة من الشباك على البحر البعيد
بصة من الشباك على البحر البعيد
واحنا رايحين بالآمال عالم جديد
كنت فاكرة يا مصر انى تعبت منك
كنت فاكرة يا مصر انى تعبت منك
واكتشفت انى محال استغنى عنك
حتى دوشة صوت جيرانى
والزحام وحشونى تانى
بسمة حلوة لطفلة لسه صغيرة
لما كنت أديها حته سكرة
قبل ما نسيبك وحشتينا يا مصر يا أمنا
علاء..
كنت باتذكر.. وأنا فى غاية الأسى
كنت باتذكر.. وأنا فى غاية الأسى
لعبنا الكورة فى حوش المدرسة
والشقاوة واحنا لسه صغيرين
والبراءة والصحاب الطيبين
لما سألتنى اللى جنبى
لما سألتنى اللى جنبى
أنت مصرى دق قلبى
أسم زى السحر رفرف علي المكان
أسم زى السحر رفرف علي المكان
زى نسمة مهفهفة بصوت الآدان
أيوه مصريين لآخر كل نقطة فى دمنا
حنان..
الوجوه من تلج وعيون من قزاز
الوجوه من تلج وعيون من قزاز
شوقى زاد للعشرة والناس العزاز
وابتديت أكتب وأنا فوق السحاب
ابتديت يا حبيبي فى أول جواب
مصر انتى حته منى
مش مجرد اسم وطنى
قالوا فاضل نص ساعة على الوصول
قولت إية معنى الساعات ولا الفصول
إلا فى الارض اللى فيها ذكرياتنا وحبنا
وابتدى شئ ينجرح جوه الوجود
وابتدى شئ ينجرح جوه الوجود
وأبتدينا أسئلة مالهاش ردود
ميلنا ع الشباك نخبى دمعة فرت مننا
ليست هناك تعليقات:
إرسال تعليق