طفوها كمان وكمان

طفوا شمس الحرية
طفوها كمان وكمان
ونفوس عاشقة التضحية
حطوها ورا القضبان
طفوها وخلّو الدنيا
تشهد والناس والجان
إن الكلمة فى زمانا
تمنها مصير إنسان
طفوها وقولو الحرص
واسبوا كل الفرسان
موتو ف قلوبنا الحس
احجرو على كل لسان
طفوها وعلّو الراية
بالظلم وبالطغيان
بشعار الصمت وقاية
والسلم مادمت جبان
طفوها ف ليلة سودا
ولا ف نهار عميان
اشطبو كلمة إرادة
ف قاموسنا أو أمان
طفوها وع السفينة
صادروا حق الربان
مش فارقة ف أى مينا
سجنه ومين السجان
طفوها وقابلو بكرا
تايهين من غير عنوان
يا خسارة وألف حسرة
على حلمنا اللى كان
طفوها كمتن وكمان
طفوها كمان وكمان